Yunusobod tumani maktabgacha va maktab ta'limi bo'limiga qarashli umumta’lim maktab o'quvchi - qizlari o‘rtasida tariximiz, milliy an’analarimiz va urf-odatlarimizga chuqur hurmat va ehtiromni yuksaltirish, hayotda doimo g‘alabaga intilish va yuksak vatanparvarlik tuyg‘usini shakllantirish maqsadida Yunusobod tumani 247-sonli umumta’lim maktabida «To‘maris izdoshlari» tanlovining tuman bosqichi o‘tkazildi. Ko‘rik tanlovda Yunusobod tumani maktabgacha va maktab ta'limi bo'limi bosh mutaxassisi D.Muminova, Yunusobod tumani IIO FMB XPB YOMB katta inspektorlari N.Ubaydullayeva, N.Xalikova, M.Divanova ishtirok etishdi.
Tanlovda guruh a’zolari Malika To‘maris siymosini yaratish, “Agar men bo‘lganimda!”, “Mevalarni bezash san’ati”, Intellektual bellashuv hamda erkin mavzu “Vatan mehri yuragimda” madhi asosida har bir jamoadan 5 nafardan qizlar o‘zaro bellashdilar.
Tanlov natijalari quyidagicha:
🥇1-o‘rin № 274-maktab
🥈2-o‘rin № 247-maktab
🥈2-o‘rin № 258-maktab
🥉3-o‘rin № 250- maktab
🥉3-o‘rin № 257-maktab
🥉3-o‘rin № 288-maktab
Tanlov g‘olibi hamda ishtirokchilari “Faxriy yorliq” va esdalik sovg‘alari bilan taqdirlandi. Tadbir jarayonlari TVning O‘zbekiston tarixi telekanali muxbirlari tomonidan suratga olindi, OAV va ijtimoiy tarmoqlarida keng yoritildi.
